Peymangeheke taybet e ku girêdayî Zanîngeha Rojava ye. Di sala 2019’an de hate damezrandin. Navenda wê li Bajarê Qamişlo ye û beşên wê li Bajarê Hesekê û li bajarokê Rimêlanê jî hene.

Zimanên ku wê di peymangeha zimanan de werin dayîn ev in:

-Zimanê Kurdî ji bo kesên biyanî  ku ji deverên cur bi cur tên û dixwazin fêrî  zimanê kurdî bibin.

– Zimanê Erebî weke zimanekî  herêmê yê fermî  ji bo kesên ku dixwazin xwe pêş bixin, wê were dayîn.

– Zimanê Ingilîzî.

Weke destpêk dê ji bo xwendekarê Zanîngehê  be, lê piştre armanc ew e ku ji bo giştî be.

Sîstema xwendinê:

Materyalên zimanan dê ji salên yekem û duyem ên hemû fakulteyên Zanîngeha Rojava di peymangeha  zimanan de werin dayîn. Encamên ezmûnan û pileyên wan wê derbasî pileyên xwendekar ên giştî bibin.

Xwendekar li ser du astan têne belavkirin, dabeşî grûbên ji 20 kesan ne zêdetir dibin.

Sîstema xwendinê ya qonaxan e, Her qonaxek ji 4 mehan pêk tê.